Arte dei dottori, giudici e notai

A c. 1r: "In Dei nomine, amen. In nomine Domini nostri Yhesu Christi et Eius gloriose matris virginis Marie et gloriosorum confessorum sancti Alberti et sancti Petri protectorum et defensorum Comunis et populi Terre Collis. Animadvertens generale Consilium Populi Terre Collis vallis Else omnes principales artes dicte Terre, ut iustitia suadet, esse bene ordinatas et vivere sub iustis legibus et statutis et quod equum, dignum et iustum esset quod doctores, iudices et notarii dicte Terre viverent etiam ordinate, cum ordo quamlibet rem modificet et decoret et sub bonis et iustis legibus ut faciunt omnes similes doctores, notarii et fideles christiani in quibuscumque bonis locis ideo per prefatum generale Consilium dicte Terre Collis de anno Domini MCCCCCV, die vero [vacat], mensis [vacat], fuit solempniter decretum et deliberatum quod fiat matricula et reforma in dicta Terra Collis Universitatis omnium doctorum, iudicum et notariorum dicte Terre et pro perfectione et executione dicte matricule et reforme decretum fuit quod per tunc magnificos dominos priores eligerentur sex boni et providi viri dicte Terre qui haberent plenam potestatem, auctoritatem et bailiam aciendi dictam matriculam et reformam et statuendi et reformandi et imbursandi prout portunum et iustum fuerit, qui domini priores, pro executione dicte deliberationis et decreti et virtute auctoritatis eis attribuite per dictum decretum et servatis servandis, nominaverunt et elegerunt in reformatores et statutarios dicte matricule et Universitatis infrascriptos providos viros videlicet eximium legum doctorem dominum Benedictum de Pichonibus et spectabiles viros ser Emanuelem de Pillicionibus, ser Tommasum Liurotti Augustini, Simonem Tommasii Nannis, Iohannem Mattei magistri Iohannis, Albertum ser Iohannis Papi. Qui providi viri sic electi ad reformandum, statuendum et imbursandum et dictam matriculam et Universitatem perficiendum insimul congregati in sala palatii magnificorum dominorum priorum dicte Terre, ipsorum nemine deficiente et discrepante, pro predictis exequendis et dicto eorum officio exercendo habito infra se super predictis et infrascriptis solepni et matura deliberatione et tractatum vigore auctoritatis et balie supra eis concesse a dicto generali Consilio, dato et misso inter eos partito ad fabas nigras et alba ut moris est et legiptime obtento ipsorum nemine discrepante, reformaverunt, imborsaverunt, statuerunt et ordinaverunt et infrascripta statuta, ordinamenta et provisiones decreverunt".
Reg. in perg. leg. in cuoio cc. 15 scritte